UHURU FM
Marekani yasema itatumia nguvu za kijeshi K.Kaskazini, China yapinga.

MAREKANI imesema kuwa itatumia nguvu za kijeshi dhidi ya Korea Kaskazini ''iwapo ni lazima'' kufuatia jaribio la kombora la masafa marefu lilotekelezwa na taifa hilo.

Balozi wa Marekani Nikki Haley alisema kuwa maamuzi mapya pia yatawasilishwa dhidi ya Pyongyang katika Umoja wa Mataifa.

Alielezea jaribio hilo kama tishio la kijeshi mbali na kutishia kutumia vikwazo vya kibiashara.

Jaribio hilo la kombora , ambalo ni la hivi karibuni miongoni mwa majaribio mengine linakiuka marufuku ya baraza la Umoja wa Mataifa.

Wakati huohuo waziri wa ulinzi nchini humo James Mattis na mwenzake wa Japan Tomomi Inada walisema kuwa jaribio hilo ni uchokozi ambao hautakubalika.

Taarifa iliotolewa na wizara ya ulinzi imesema kuwa wawili hao walizungumza kwa njia ya simu ambapo Jenerali Mattis alisema Marekani itaendelea kuilinda Japan.

Bi Haley alisema siku ya Jumatano kwamba jaribio la kombora la masafa marefu la Korea Kaskazini ICBM linaangamiza suluhu ya uwezekano wa mazungumzo ya kidiplomasia

''Marekani imejiandaa kutumia uwezo wake wote kujilinda na washirika wetu'', aliambia baraza la usalama katika Umoja wa Mataifa, ambalo lilikutana kwa kikao cha dharura kuzungumzia hatua hiyo ya Korea Kaskazini.

''Moja ya uwezo wetu upo katika jeshi. Tutautumia iwapo ''tutalazimika'' kufanya hivyo ,lakini tungependelea kutoelekea upande huo'',alisema.

 

Wakati huo huo,

BALOZI wa China katika Umoja wa Mataifa amekiambia kikao cha dharura cha baraza la usalama la Umoja wa Mataifa kwamba suluhu ya nguvu za kijeshi dhidi ya Korea Kaskazini haifai kupewa kipao mbele, akijibu hatua ya Korea Kaskazini kufanyia majaribio kombora lake la masafa marefu.

Liu Jieyi alirejelea wito wa China na Urusi kwa mazungumzo ya Korea Kaskazini kusitisha majaribio ya makombora iwapo Marekani na Korea Kusini zitasitisha mazoezi ya pamoja ya kijeshi.

Awali balozi wa Marekani katika Umoja wa mataifa Nikki Haley alisema kuwa vikwazo vya kimataifa vilivyowekewa Pyongyang kwa miaka kadhaa havitoshi.

Amesema kuwa vitendo vya Korea Kaskazini ni ishara za kuzuka kwa mgogoro duniani.

Source: BBC

RECENTS
MICHEZO
Kimbembe cha Ligi Kuu Tanzania Bara (VPL) kinaendelea leo Jumamosi (Januari 13, 2018) kwa mechi nane za raundi ya 13 kupigwa katika viwanja nane tofauti.
January 13, 2018
Read More
KOREA Kaskazini imesema kuwa itatuma ujumbe wake katika michezo ya Olimpiki ya majira ya baridi 2018 inayotarajiwa kufanyika Korea Kusini mnamo mwezi Februari kulingana na mji wa Seoul.
January 09, 2018
Read More
HABARI ZA JUU
KITAIFA
January 22, 2018
Read More
NAIBU Katibu Mkuu wa Chama cha Mapinduzi (CCM) Zanzibar Dk.Abdulla Juma Saadalla ‘Mabodi’ amewasihi wananchi wa Tanzania kuendelea kuwaombea Dua na visomo mbali mbali Askari wa Jeshi la Wananchi Tanzania (JWTZ) wanaouawa wakilinda Amani katika nchini mbali mbali ikiwemo DRC Kongo.
January 22, 2018
Read More
WAZIRI wa Mifugo na Uvuvi, Luhaga Mpina amesema wizara yake haina mpango wa kuongeza tena muda zoezi la utambuzi wa mifugo na kuwataka wafugaji popote walipo nchini kupaza sauti zao ili kuhakikisha kuwa ng’ombe na punda wote wamepigwa chapa ifikapo Januari 31 mwaka huu.
January 20, 2018
Read More
ZOEZI la ugawaji wa Miguu ya kisasa ya bandia kwa watu wenye ulemavu wa Miguu awamu ya pili limeanza jana, ikiwa ni Kampeni iliyoanzishwa na Mkuu wa Mkoa wa Dar es salaam Mhe. Paul Makonda ya kuwapatia Miguu ya kisasa inayowawezesha kufanya shughuli za uzalishaji Mali Kama awali ambapo imejidhihirisha kuwa RC Makonda akiahidi jambo analitimiza kwa vitendo na sio Siasa.
January 20, 2018
Read More