UHURU FM
TTB yageukia utalii wa kimichezo na burudani.
Picha ya pamoja ikionyesha kikosi cha timu ya soka ya Hallelujah FC inayoshirki ligi kuu ya Korea Kusini walipowasili Bandari ya Dar es Salaam wakitokea Zanzibar, timu hiyo ni sehemu ya watalii 50 waliotembelea nchini kuangalia vivutio vya kitalii na kucheza mechi za kirafiki ikiwemo na timu ya Yanga ya Dar es Salaam.

BODI ya Utalii Tanzania (TTB), imeaamua kujikita kwenye utalii wa michezo na sanaa ili kuitangaza zaidi Tanzania kimataifa kupitia sekta hiyo inayojumuisha watu wengi ulimwenguni.

Akizungumza na waandishi wa habari katika Bandari ya Dar es Salaam wakati akiwapokea watalii zaidi ya 50 raia wa Korea Kusini, Ofisa Habari Mkuu wa TTB, Bwana Geofrey  Tengeneza alisema imezoeleka watalii ni wale wanaokuja tu nchini na kutembelea maeneo ya vivutio na kuondoka, lakini hata wasanii na wanamichezo ni watalii wazuri wanaovutia raia wengine kutoka mataifa yao kuja Tanzania.

“Tumeamua kutumia mbinu hii ya kukaribisha watalii wa kimichezo na burudani kwa sababu kupitia wao watu wanaowafuatilia katika mataifa waliyotoka watavutiwa na Tanzania. Tumepoke wachezaji wa Haleluyah kutoka Korea Kusini. Wamewasili Juni 28 kupitia Zanzibar ambako waliweka kituo kwa wiki moja wakacheza mechi mbili na timu ya soka Polisi Zanzibar na Jang’ombe.

“Katika soko hili la Korea Kusini ni miongoni mwa mataifa tuliyoweka juhudi kubwa kupata watalii ikiwemo na China kutokana na idadi ya watu waliokuwepo,” alisema Bw. Tengeneza na kubainisha:

“Kazi yetu kubwa ni kutazama na kubuni mbinu za kuitangaza nchi yetu, wageni hawa zaidi ya 50 watakuwepo hapa kwa wiki moja, watakwenda Mikumi kisha Julai 8 watacheza mechi ya kirafiki na Yanga katika Uwanja wa Taifa jijini Dar es Salaam.”

Akizungumzia ujio wao Kocha Mkuu wa Hallelujah FC, Bwana LEE Young Moo alisema wapo hapa kwa ajili ya mechi za kujipima nguvu lakini pia wamevutiwa na utamaduni wa watanzania kutokana na sifa walizopata kutoka kwa watu waliotembelea taifa hili.

“Nafurahi kuwa hapa Tanzania tunataka kucheza na timu za Tanzania ikiwemo Yanga, tunataka kubadili utamaduni na kufanya kazi na wanamichezo wa hapa ili tuwe na uhusiano mzuri. Tumesika mambo mengi kuhusu Tanzania, kumbuka kuna mataifa mengi Afrika lakini utamaduni na watu wa taifa hili vimetuvutia sana,” alisema Bw. LEE.

Kwa upande wake daktari wa timu hiyo inayotajwa kuwa timu ya kwanza soka la kiushindani kuanzishwa Korea Kusini mwaka 1980 ambayo pia inayoshiriki ligi kuu ya soka nchini humo, Bwana Benjamin Chang amesema anaamini wachezaji wake watakuwa na afya njema kutokana na hali ya hewa tulivu iliyopo Tanzania.

“Hali ya hewa ni nzuri, fukwe za kuvutia na naamini tutakuwa na wakati mzuri katika mbuga za wanyama. Tutakuwa hapa kwa wiki kadhaa tumekuja wachezaji 20 pamoja na maofisa wengine 30 jumla tupo 50, tumeona mambo mengi tuliyokuwa tukiyasikia tu,” alisema Bw. Chang.

Itakumbukwa miezi miwili iliyopita wasanii wa filamu zaidi ya 100 kutoka China walikuja nchini kufanya shughuli za kisanii na kutembelea vivutio ikiwemo fukwe za Zanzibar na mbuga za wanyama ikiwemo Serengeti.

Vilevile wiki iliyopita TTB ilipokea wachezaji 60 wa soka la wanawake kutoka mataifa 20 duniani walikuja kupanda Mlima Kilimanjaro na kucheza soka juu ya kilele cha mlima huo na kuitangaza Tanzania katika ulimwengu wa soka la wanawake. 

RECENTS
MICHEZO
Kimbembe cha Ligi Kuu Tanzania Bara (VPL) kinaendelea leo Jumamosi (Januari 13, 2018) kwa mechi nane za raundi ya 13 kupigwa katika viwanja nane tofauti.
January 13, 2018
Read More
KOREA Kaskazini imesema kuwa itatuma ujumbe wake katika michezo ya Olimpiki ya majira ya baridi 2018 inayotarajiwa kufanyika Korea Kusini mnamo mwezi Februari kulingana na mji wa Seoul.
January 09, 2018
Read More
HABARI ZA JUU
KITAIFA
NAIBU Katibu Mkuu wa Chama cha Mapinduzi (CCM) Zanzibar Dk.Abdulla Juma Saadalla ‘Mabodi’ amewasihi wananchi wa Tanzania kuendelea kuwaombea Dua na visomo mbali mbali Askari wa Jeshi la Wananchi Tanzania (JWTZ) wanaouawa wakilinda Amani katika nchini mbali mbali ikiwemo DRC Kongo.
January 22, 2018
Read More
WAZIRI wa Mifugo na Uvuvi, Luhaga Mpina amesema wizara yake haina mpango wa kuongeza tena muda zoezi la utambuzi wa mifugo na kuwataka wafugaji popote walipo nchini kupaza sauti zao ili kuhakikisha kuwa ng’ombe na punda wote wamepigwa chapa ifikapo Januari 31 mwaka huu.
January 20, 2018
Read More
ZOEZI la ugawaji wa Miguu ya kisasa ya bandia kwa watu wenye ulemavu wa Miguu awamu ya pili limeanza jana, ikiwa ni Kampeni iliyoanzishwa na Mkuu wa Mkoa wa Dar es salaam Mhe. Paul Makonda ya kuwapatia Miguu ya kisasa inayowawezesha kufanya shughuli za uzalishaji Mali Kama awali ambapo imejidhihirisha kuwa RC Makonda akiahidi jambo analitimiza kwa vitendo na sio Siasa.
January 20, 2018
Read More
Rais wa Jamhuri ya Muungano wa Tanzania Mhe. Dkt. John Pombe Magufuli amewaagiza Waziri wa Ujenzi, Uchukuzi na Mawasliano Prof. Makame Mbarawa Mnyaa na Waziri wa Ujenzi, Mawasiliano na Usafirishaji wa Zanzibar Balozi Ali Abeid Karume kusitisha usajili wa meli mpya hapa nchini mpaka hapo itakapotangazwa vinginevyo.
January 19, 2018
Read More