UHURU FM
Waumini wafa maji wakiwa katika ibada ya ubatizo rombo

Waumini wawili wa dhehebu la Pentekoste kutoka kanisa la Solohamu lililopo eneo la Keni Kituo cha Afya wilayani Rombo mkoani Kilimanjaro, wamefariki dunia kufuatia kuzama kwenye maji ya kina kirefu katika mto Ungwasi unaotenganisha Tarafa za Mkuu na Mashati wilayani humo.

Tukio hilo limetokea jana Jumapili majira ya saa 8 mchana ambapo waumini wa dhehebu hilo walikuwa kwenye ratiba ya ibada ya ubatizo ambayo iliambatana na maombi yaliyokuwa yakifanyika sambamba na ibada hiyo iliyoisha vibaya kwa kuondoka na roho za waumini wawili wanaokadiriwa kuwa na umri kati ya miaka 30 hadi 35.

Diwani wa Kata ya Mraokeryo ambayo iko mpakani mwa mto Ungwasi Mh. Athumani Kimario amethibitisha kutokea kwa tukio hilo ambapo anaeleza kuwa waumini hao wamezama kwenye dimbwi la mto Ungwasi eneo liitwalo Kwalani karibu kabisa na daraja kuu la Ungwasi.

"Ni kweli,nilipata taarifa kutoka kwa bwana mmoja anaitwa Abraham Canal ambaye naye amepata taarifa kwa muumini ambaye ni boda boda, na amemueleza kwamba kuna mabwana wawili wamezama hapo Kwalani wakiwa kwenye ibada ya ubatizo", Amesema diwani huyo. 


Taarifa za awali zinaeleza kuwa mmoja wa waumini alipatwa na mapepo akiwa kwenye ibada na akawa anaingia kwenye maji hali ambayo ilipelekea mwenzake kumkimbilia ili kujaribu kumuokoa lakini juhudi zake hazikuzaa matunda kwani wote walitumbukia kwenye maji hayo yenye kina kirefu na kufariki dunia baada ya muda mfupi kufuatia kukosa pumzi wakiwa kwenye maji hayo. 


Aidha, Jeshi la polisi tayari limeichukua miili hiyo iliyoopolewa na vijana wa bodaboda wakishirikiana na wakazi wa eneo hilo na tayari miili hiyo imesafirishwa na imehifadhiwa katika chumba cha kuhifadhia maiti katika hospitali ya Huruma wilayani humo.

Dhehebu la pentekoste ni mojawapo ya madhehebu ambayo ubatizo wake huusisha maji ya kina kirefu ambapo waumini wanaobatizwa huzamishwa kwa sekunde kadhaa ikiwa ni ishara ya kukifuata kile ambacho alifanyiwa Yesu Kristo katika mto Yordani.

RECENTS
MICHEZO
Kimbembe cha Ligi Kuu Tanzania Bara (VPL) kinaendelea leo Jumamosi (Januari 13, 2018) kwa mechi nane za raundi ya 13 kupigwa katika viwanja nane tofauti.
January 13, 2018
Read More
KOREA Kaskazini imesema kuwa itatuma ujumbe wake katika michezo ya Olimpiki ya majira ya baridi 2018 inayotarajiwa kufanyika Korea Kusini mnamo mwezi Februari kulingana na mji wa Seoul.
January 09, 2018
Read More
HABARI ZA JUU
KITAIFA
NAIBU Katibu Mkuu wa Chama cha Mapinduzi (CCM) Zanzibar Dk.Abdulla Juma Saadalla ‘Mabodi’ amewasihi wananchi wa Tanzania kuendelea kuwaombea Dua na visomo mbali mbali Askari wa Jeshi la Wananchi Tanzania (JWTZ) wanaouawa wakilinda Amani katika nchini mbali mbali ikiwemo DRC Kongo.
January 22, 2018
Read More
WAZIRI wa Mifugo na Uvuvi, Luhaga Mpina amesema wizara yake haina mpango wa kuongeza tena muda zoezi la utambuzi wa mifugo na kuwataka wafugaji popote walipo nchini kupaza sauti zao ili kuhakikisha kuwa ng’ombe na punda wote wamepigwa chapa ifikapo Januari 31 mwaka huu.
January 20, 2018
Read More
ZOEZI la ugawaji wa Miguu ya kisasa ya bandia kwa watu wenye ulemavu wa Miguu awamu ya pili limeanza jana, ikiwa ni Kampeni iliyoanzishwa na Mkuu wa Mkoa wa Dar es salaam Mhe. Paul Makonda ya kuwapatia Miguu ya kisasa inayowawezesha kufanya shughuli za uzalishaji Mali Kama awali ambapo imejidhihirisha kuwa RC Makonda akiahidi jambo analitimiza kwa vitendo na sio Siasa.
January 20, 2018
Read More
Rais wa Jamhuri ya Muungano wa Tanzania Mhe. Dkt. John Pombe Magufuli amewaagiza Waziri wa Ujenzi, Uchukuzi na Mawasliano Prof. Makame Mbarawa Mnyaa na Waziri wa Ujenzi, Mawasiliano na Usafirishaji wa Zanzibar Balozi Ali Abeid Karume kusitisha usajili wa meli mpya hapa nchini mpaka hapo itakapotangazwa vinginevyo.
January 19, 2018
Read More