UHURU FM
TANROADS imelazimika kupunguza kona za barabara Tanga

WAKALA wa Barabara Nchini-TANROADS, Mkoa wa Tanga, umelazimika kupunguza kona za barabara ya kuelekea Kata ya Chongoleani ili kurahisisha msafara wa Marais JOHN MAGUFULI na YOWERI MUSEVENI wa Uganda, watakaowasili hivi karibuni kuzindua mradi wa ujenzi wa Bomba la Mafuta.

Meneja wa Tanroads Mkoa wa Tanga, ALFRED NDUMBARO ametoa taarifa hiyo leo wakati akizuinguimza na Mwananchi kuhusu maandalizi ya uzinduzi wa mradi wa Bomba la Mafuta lenye urefu wa Kilomita 1,403 kutoka Hoima, Uganda hadi Tanga.

Marais hao Wawili wa Tanzania na Uganda wanatarajiwa kufika Chongoleani mwishoni mwa mwezi huu au mwanzoni mwa Agosti.

NDUMBARO amesema Tanroads imelazimika kupunguza kona za barabara hiyo ambayo ilikuwa na urefu wa kilomita Nane na sasa imefikia Kilomita Saba ili kurahisisha Magari yatakayokuwa kwenye msafara wa Marais hao.

Mkuu wa Mkoa wa Tanga, MARTINE SHIGELA, amesema maandalizi ya kuwapokea Marais hao kwa ajili ya uzinduzi wa mradi huo yameshakamilika.

 

RECENTS
MICHEZO
Leo Jumanne Januari 16, 2018 klabu ya Yanga imeingia mkataba wa miaka mitatu (3) na kampuni ya utengenezaji wa vifaa vya michezo ya Macron ambayo makao makuu yake yapo nchini Italy, Macron watakuwa ndio watengenezaji wakuu wa vifaa vyote michezo vya klabu hiyo.
January 16, 2018
Read More
Sekretarieti ya Shirikisho la Mpira wa Miguu Tanzania TFF imewapeleka kwenye kamati ya Maadili viongozi wanne kwa kughushi na udanganyifu.
January 16, 2018
Read More
HABARI ZA JUU
KITAIFA
Rais wa Jamhuri ya Muungano wa Tanzania na Amiri Jeshi Mkuu Mhe. Dkt. John Pombe Magufuli leo tarehe 15 Februari, 2018 amemuapisha Luteni Jenerali Yacoub Hassan Mohamed kuwa Mnadhimu Mkuu wa Jeshi la Ulinzi la Wananchi wa Tanzania (JWTZ).
February 15, 2018
Read More
Mamlaka ya Hali ya Hewa nchini, imesema Mvua za Wastani Mpaka juu ya Wastani zinatarajiwa kuanza kunyesha katika kipindi cha wiki ya Kwanza ya Mwezi Machi hadi Mei mwaka huu katika maeneo mengi hapa nchini.
February 15, 2018
Read More
Serikali imesema imekamilisha uhakiki wa madai ya Watumishi wa Umma na kwamba kiasi cha shilingi Bilioni-43.39 ambacho ni madai halali kitalipwa kwa mkupuo pamoja na mshahara wa mwezi Februari mwaka huu.
February 09, 2018
Read More
Wizara ya Mambo ya Ndani ya Nchi, imesema katika kipindi cha Mwezi Januari hadi Disemba mwaka jana, jumla ya Askari Polisi Mia Moja na Tano waliotenda makosa mbalimbali, walichukuliwa hatua za kinidhamu ikiwemo kufukuzwa kazi.
February 09, 2018
Read More