UHURU FM
Marekani yasema haina uadui na Korea Kaskazini.

SERIKALI ya Marekani haitaki mabadiliko ya utawala Katika Korea Kaskazini, waziri wa mambo ya nje wa Marekani anasema, huku hofu ikitanda juu ya mpango wa silaha wa Pyongyang.

"Sisi si maadui zenu, " Rex Tillerson alisema, na kuongeza kuwa Marekani ilitaka mazungumzo wakati mmoja.

Wakati huo huo seneta wa chama cha Republican alisema rais Trump alihisi kuanza vita na Korea kaskazini ni chaguo

Pyongyang inadai kuwa jaribio lake la hivi karibuni la makombora linaweza kushambulia magharibi mwa Marekani na zaidi.

"Hatutaki mabadiliko ya utawala, hatulengi kuuangusha utawala, hatutaki kuharakisha muungano wa eneo la Peninsula, hatutaki sababu ya kutuma wanajeshi wetu kwenye eneo lenu ," alisema Bwana Tillerson, akimaanisha mpaka baina ya Korea kaskazini na Korea kusini.

"Sisi si maadui zenu, sisi si tisho kwenu , lakini munatuwekea tisho lisilo kubalikana lazima tujibu."

Jaribio la pili la kombora la masafa marefu linaloweza kshambulia bara jingine (ICBM) siku ya Ijumaa, lililosherehekewa na kiongozi wa Korea Kaskazini Kim Jong-un, lilikuwa ni jaribio la hivi karibuni kutekelezwa linalokiuka marufuku ya Umoja wa Mataifa

Majaribio ya hivi karibuni ya makombora ya masafa marefu ya Korea Kaskazini yamesababisha hofu kubwa juu ya tishio la serikali ya Pyongyang dhidi ya Marekani , na kuzingatiwa kwa haja ya kuzuwia shambulio lolote nchini Marekani.

Hilo ndilo alilokuwa nalo akilini rais Trump katika mazungumzo juu ya vita na seneta Lindsey Graham.

Makao makuu ya wizara ya ulinzi nchini Marekani Pentagon, yametoa taarifa za hivi karibuni juu ya hatua za kijeshi , lakini wakati huo huo wachambuzi wanasema kukabiliana na Korea Kusini itakuwa ni maafa.

Hilo limemfanya , Bwana Tillerson arudie kwa marefu kwamba Marekani haitaki mabadiliko ya utawala na kuongeza kuwa lengo ni kufanya mazungumzo, lakini ambayo hayana msingi kwamba Korea Kaskazini inaweza kuendelea kutunza silaha zake za nuklia

Serikali ya Pyongyang hata hivyo imekataa kata kata masharti ya aina hiyo.

Source: BBC

RECENTS
MICHEZO
Leo Jumanne Januari 16, 2018 klabu ya Yanga imeingia mkataba wa miaka mitatu (3) na kampuni ya utengenezaji wa vifaa vya michezo ya Macron ambayo makao makuu yake yapo nchini Italy, Macron watakuwa ndio watengenezaji wakuu wa vifaa vyote michezo vya klabu hiyo.
January 16, 2018
Read More
Sekretarieti ya Shirikisho la Mpira wa Miguu Tanzania TFF imewapeleka kwenye kamati ya Maadili viongozi wanne kwa kughushi na udanganyifu.
January 16, 2018
Read More
HABARI ZA JUU
KITAIFA
Rais wa Jamhuri ya Muungano wa Tanzania na Amiri Jeshi Mkuu Mhe. Dkt. John Pombe Magufuli leo tarehe 15 Februari, 2018 amemuapisha Luteni Jenerali Yacoub Hassan Mohamed kuwa Mnadhimu Mkuu wa Jeshi la Ulinzi la Wananchi wa Tanzania (JWTZ).
February 15, 2018
Read More
Mamlaka ya Hali ya Hewa nchini, imesema Mvua za Wastani Mpaka juu ya Wastani zinatarajiwa kuanza kunyesha katika kipindi cha wiki ya Kwanza ya Mwezi Machi hadi Mei mwaka huu katika maeneo mengi hapa nchini.
February 15, 2018
Read More
Serikali imesema imekamilisha uhakiki wa madai ya Watumishi wa Umma na kwamba kiasi cha shilingi Bilioni-43.39 ambacho ni madai halali kitalipwa kwa mkupuo pamoja na mshahara wa mwezi Februari mwaka huu.
February 09, 2018
Read More
Wizara ya Mambo ya Ndani ya Nchi, imesema katika kipindi cha Mwezi Januari hadi Disemba mwaka jana, jumla ya Askari Polisi Mia Moja na Tano waliotenda makosa mbalimbali, walichukuliwa hatua za kinidhamu ikiwemo kufukuzwa kazi.
February 09, 2018
Read More