UHURU FM
Rais Dkt Magufuli aivunja KDA

RAIS wa Jamhuri ya Muungano wa Tanzania Dokta John Magufuli, amevunja Mamlaka ya Usimamizi wa Mji Mdogo wa Kigamboni-KDA, ambapo kuanzia sasa shughuli zote zilizokuwa zikifanywa na Mamlaka hiyo zitafanywa Manispaa ya Kigamboni.

Hatua hiyo imekuja kutokana na Mkanganyiko wa kimajukumu uliokuwepo kati ya KDA na Manispaa ya Kigamboni.

Uamuzi huo umetangazwa leo na Waziri wa Ardhi, Nyumba na Maendeleo ya Makazi, WILIAM LUKUVI, alipotembelea Kigamboni na kuzungumza na wananchi pamoja na viongozi wa Manispaa ya Kigamboni.

Hata hivyo, Waziri LUKUVI ametoa miezi Sita kwa watendaji wa KDA kukamilisha makabidhiano ya Nyaraka na wao kuripoti kwa Mkurugenzi wa Manispaa ya Kigamboni.

Awali, Mkuu wa Wilaya ya Kigamboni, HASHIM MGANDILWA, amesema mgongano wa usimamizi wa Ardhi Kigamboni ulisababisha migogoro mingi ya Ardhi.

 

WAKATI HUO HUO,

Serikali imelifuta Shamba la Mfanyabiashara YUSUF MANJI lenye ukubwa wa Hekari 714.

Uamuzi huo wa serikali umetangazwa na Waziri wa Ardhi, Nyumba na Maendeleo ya Makazi, WILLIAM LUKUVI, huku akisema Shamba hilo litapangiwa matumizi mengine.

Amesema Shamba jingine la Kampuni ya Amadori lenye ukubwa wa Hekari 5,400 pia limefutwa na kwamba Mashamba hayo sasa yako mikononi mwa Serikali na yatapangiwa matumizi mengine.

Pia Waziri LUKUVI amewaonya wananchi wasivamie maeneo hayo kwa kuwa watakaokamatwa watashitakiwa.

RECENTS
MICHEZO
Kimbembe cha Ligi Kuu Tanzania Bara (VPL) kinaendelea leo Jumamosi (Januari 13, 2018) kwa mechi nane za raundi ya 13 kupigwa katika viwanja nane tofauti.
January 13, 2018
Read More
KOREA Kaskazini imesema kuwa itatuma ujumbe wake katika michezo ya Olimpiki ya majira ya baridi 2018 inayotarajiwa kufanyika Korea Kusini mnamo mwezi Februari kulingana na mji wa Seoul.
January 09, 2018
Read More
HABARI ZA JUU
KITAIFA
January 22, 2018
Read More
NAIBU Katibu Mkuu wa Chama cha Mapinduzi (CCM) Zanzibar Dk.Abdulla Juma Saadalla ‘Mabodi’ amewasihi wananchi wa Tanzania kuendelea kuwaombea Dua na visomo mbali mbali Askari wa Jeshi la Wananchi Tanzania (JWTZ) wanaouawa wakilinda Amani katika nchini mbali mbali ikiwemo DRC Kongo.
January 22, 2018
Read More
WAZIRI wa Mifugo na Uvuvi, Luhaga Mpina amesema wizara yake haina mpango wa kuongeza tena muda zoezi la utambuzi wa mifugo na kuwataka wafugaji popote walipo nchini kupaza sauti zao ili kuhakikisha kuwa ng’ombe na punda wote wamepigwa chapa ifikapo Januari 31 mwaka huu.
January 20, 2018
Read More
ZOEZI la ugawaji wa Miguu ya kisasa ya bandia kwa watu wenye ulemavu wa Miguu awamu ya pili limeanza jana, ikiwa ni Kampeni iliyoanzishwa na Mkuu wa Mkoa wa Dar es salaam Mhe. Paul Makonda ya kuwapatia Miguu ya kisasa inayowawezesha kufanya shughuli za uzalishaji Mali Kama awali ambapo imejidhihirisha kuwa RC Makonda akiahidi jambo analitimiza kwa vitendo na sio Siasa.
January 20, 2018
Read More