UHURU FM
Kiongozi wa mikakati wa upinzani Kenya David Ndii akamatwa

MMOJA wa wakuu wa mikakati wa muungano wa upinzani nchini Kenya National Super Alliance (Nasa) anazuiliwa na polisi siku chache baada ya kuteuliwa kuongoza moja ya makundi ya muungano huo.

Bw David Ndii, ambaye ni mtaalamu wa masuala ya kiuchumi, alikuwa ameteuliwa kuongoza Kamati ya Taifa ya kusimamia Mabunge ya Wananchi.

Mabunge hayo ya wananchi yaliundwa na Nasa, chini ya waziri mkuu wa zamani Raila Odinga, kama njia ya kushinikiza mageuzi nchini humo baada ya kufanyika kwa uchaguzi wa marudio ambao Bw Odinga na muungano wake walisusia.

Bw Ndii alikamatwa Jumapili jioni akiwa kwenye hoteli moja jimbo la Kwale pwani ya Kenya.

Mkewe, Mwende Gatabaki, akiwahutubia wanahabari, amesema mumewe alikamatwa na wanaume saba ambao walimfahamisha kwamba angepelekwa kito cha polisi cha Diani lakini walipofika huko hawakumpata.

"Walikuwa wanatudanganya, kama watoto," amesema.

Kadhalika, walitaka kuingia kwenye chumba chao hotelini kufanya ukaguzi lakini alipowauliza kibali cha kufanya upekuzi wakasema hawakuhitaji kibali hicho kwa sababu walikuwa wakuu wa kituo cha polisi.

Aidha, walikuwa wanatafuta kompyuta ambazo Bi Gatabaki anasema hawakuwa nazo chumbani.

Amesema polisi hawakueleza sababu ya kukamatwa kwake na kwamba alipozidi kuuliza maswali kuhusu alipokuwa mumewe naye alikamatwa na kuzuiliwa kwa muda.

Bi Gatabaki amesema familia hiyo ilikuwa likizoni Kwale na pia kwa ajili ya kuhudhuria harusi ya mpwa wao.

Upinzani umeshutumu hatua ya polisi na kuwataka kumwachilia huru Bw Ndii.

Mbunge wa Rarieda Otiende Amollo, ambaye ni mwanachama wa muungano wa Nasa, amesema polisi wamewafahamisha kwamba mwanamikakati huyo atashtakiwa kwa tuhuma za uchochezi.

"Mashtaka hayo yanahusiana na maneno aliyoyatamka miezi mingi iliyopita. Kawaida, walifaa kumuita kwa mahojiano na si kumvamia akiwa likizoni," amenukuliwa na kituo cha habari cha NTV.

Bw Ndii ambaye amekuwa mkosoaji mkuu wa serikali ya Jubilee yake Rais Uhuru Kenyatta na Naibu Rais William Ruto na huandika makala yanayochapishwa mwishoni mwa wiki katika moja ya magazeti makuu nchini humo.

Alizua utata alipopendekeza kwamba baadhi ya majimbo Kenya yanaweza kujitenga iwapo mabadiliko hayatafanikiwa katika siasa na uongozi nchini Kenya.

Muungano wa upinzani uliunda kundi la watu sita kuongoza Mabunge ya Wananchi huku ukiendelea na juhudi za kushinikiza mageuzi nchini humo.

Bw Odinga alisema Mabunge ya Wananchi yatajumuisha wadau kutoka nyanja mbalimbali na yatatumiwa kutoa mwelekeo kwa nchi.

Wiki iliyopita, alidokeza kwamba mabunge hayo yatashirikishwa katika mpango wake wa kutaka kuapishwa kuwa kiongozi wa Kenya tarehe 12 Desemba.

Majimbo kumi kati ya 47 nchini Kenya, ambayo yana viongozi na wafuasi wengi wa upinzani, tayari yamepitisha hoja ya kuundwa kwa mabunge hayo.

Source: BBC

RECENTS
December 07, 2017
MICHEZO
Kocha Mkuu wa Tanzania Bara ‘Kilimanjaro Stars’, Ammy Conrad Ninje amepanga kesho Jumanne Desemba 5, 2017 kuanza kufanyia kazi upungufu ulioonekana kwenye mchezo dhidi ya Libya uliofanyika Jumapili Desemba 3, mwaka huu.
December 04, 2017
Read More
MKUU wa Mkoa wa Dar es Salaam, Paul Makonda na Mkurugenzi Mkuu wa Makampuni ya Bakhresa Limited, Abubakar Bakhresa wameteuliwa kwenye Kamati za Maandalizi ya Fainali za Kombe la Mataifa ya Afrika kwa vijana chini ya umri wa miaka 17 (AFCON U-17) mwaka 2019 nchini.
December 04, 2017
Read More
HABARI ZA JUU
KITAIFA
TUME ya Taifa ya Uchaguzi-NEC, imevitaka Vyama vya Siasa kusoma na kuzingatia sheria zote za Uchaguzi kabla ya kuilalamikia na kuishnikiza kufanya maamuzi ambayo ni kinyume cha Sheria.
December 12, 2017
Read More
MWENYEKITI wa Chama Cha Mapinduzi, Rais John Magufuli, ametangaza kuwa atafuta utaratibu wa sasa wa Idadi ya Wabunge kutoka Jumuiya za CCM na badala yake ataweka uwiano wa Nusu kwa Nusu kwa idadi ya Wabunge kutoka Jumuiya katika Bunge la Jamhuri ya Muungano wa Tanzania.
December 12, 2017
Read More
MWANAJESHI wa zamani wa Mareknai ambaye alihamia Korea Kaskazini na kuwa mfungwa kwa karibu miaka 40 amefariki.
December 12, 2017
Read More
WAJUMBE wa Mkutano Mkuu wa Tisa wa Jumuiya ya Vijana ya Chama Cha Mapinduzi-UVCCM, wamemchagua kwa kishindo KHERI JAMES, kuwa Mwenyekiti Mpya wa Jumuiya hiyo, akichukua nafasi iliyoachwa wazi na Sadifa Juma Khamis.
December 11, 2017
Read More