UHURU FM
Bado tuna nafasi - Ninje

Baada ya timu ya Tanzania Bara Kilimanjaro Stars kupoteza mchezo dhidi ya Zanzibar Heroes  kwenye michuano ya Cecafa Senior Challenge inayoendelea hapa nchini Kenya Kocha Mkuu wa kikosi hicho, Ammy Ninje amesema kikosi chake bado kina nafasi ya kufanya vizuri kwenye mechi mbili zilizobaki.

Kilimanjaro Stars iliyopo katika kundi A imebaki na michezo dhidi ya Rwanda na wenyeji Kenya ambayo Kocha Ninje anaamini watashinda na kusogea hatua ya nusu fainali.

Akizungumzia Kilimanjaro kupoteza mchezo dhidi ya Zanzibar, Kocha Ninje amesema kipindi cha kwanza timu ilicheza vizuri kiasi cha kupata goli lililofungwa na nahodha Himid Mao, lakini kipindi cha pili wakaanza taratibu na kuwaruhusu Zanzibar kurudi mchezoni hali iliyopelekea ushindi wao.

Amesema makosa mawili yaliyofanyika ndio yamewaghalimu kupoteza lakini kimpira timu imecheza mchezo mzuri.

“Kuliko kuangalia makosa ya mchezaji mmoja mmoja Nimewaambia Wachezaji wangu wasikate tamaa bado tuna nafasi ya kufanya vizuri katika mechi zetu mbili zilizobaki,” amesema Ninje.

Kwa matokeo hayo Kilimanjaro Stars inabakiwa na pointi 1 baada ya kucheza michezo miwili katika kundi hilo la A ikisaliwa na michezo dhidi ya Rwanda “Amavubi” na wenyeji Kenya ‘Harambee Stars’.

RECENTS
December 07, 2017
MICHEZO
Kocha Mkuu wa Tanzania Bara ‘Kilimanjaro Stars’, Ammy Conrad Ninje amepanga kesho Jumanne Desemba 5, 2017 kuanza kufanyia kazi upungufu ulioonekana kwenye mchezo dhidi ya Libya uliofanyika Jumapili Desemba 3, mwaka huu.
December 04, 2017
Read More
MKUU wa Mkoa wa Dar es Salaam, Paul Makonda na Mkurugenzi Mkuu wa Makampuni ya Bakhresa Limited, Abubakar Bakhresa wameteuliwa kwenye Kamati za Maandalizi ya Fainali za Kombe la Mataifa ya Afrika kwa vijana chini ya umri wa miaka 17 (AFCON U-17) mwaka 2019 nchini.
December 04, 2017
Read More
HABARI ZA JUU
KITAIFA
TUME ya Taifa ya Uchaguzi-NEC, imevitaka Vyama vya Siasa kusoma na kuzingatia sheria zote za Uchaguzi kabla ya kuilalamikia na kuishnikiza kufanya maamuzi ambayo ni kinyume cha Sheria.
December 12, 2017
Read More
MWENYEKITI wa Chama Cha Mapinduzi, Rais John Magufuli, ametangaza kuwa atafuta utaratibu wa sasa wa Idadi ya Wabunge kutoka Jumuiya za CCM na badala yake ataweka uwiano wa Nusu kwa Nusu kwa idadi ya Wabunge kutoka Jumuiya katika Bunge la Jamhuri ya Muungano wa Tanzania.
December 12, 2017
Read More
MWANAJESHI wa zamani wa Mareknai ambaye alihamia Korea Kaskazini na kuwa mfungwa kwa karibu miaka 40 amefariki.
December 12, 2017
Read More
WAJUMBE wa Mkutano Mkuu wa Tisa wa Jumuiya ya Vijana ya Chama Cha Mapinduzi-UVCCM, wamemchagua kwa kishindo KHERI JAMES, kuwa Mwenyekiti Mpya wa Jumuiya hiyo, akichukua nafasi iliyoachwa wazi na Sadifa Juma Khamis.
December 11, 2017
Read More